ماڵئاوایی لە ژیان کردنی دایە "هاجەر عابدی"

بەداخەوە ئاگادارکراینەوە سه‌رله‌به‌یانی ڕۆژی دووشه‌ممه‌ ٢١ی ڕه‌زبه‌ری ١٣٩٩ی هه‌تاوی، دایه‌ "هاجه‌ر عابدی" دایكی هاوڕێیان "عه‌لی و سالار ئاشناگه‌ر" و "خاتوو رووناک ئاشناگەر" ماڵئاوایی له‌ ژیان كرد.
دایه‌ هاجه‌ر یەکێک لەو ژنە شۆڕشگێڕ و دایکە بوێرانەی کوردستان بوو کە بە درێژایی تەمەنی چۆکی بۆ ستەم و زۆرداری ڕژیم دانەنواند و بە پەروەردەکردنی ڕۆڵەی خۆنەویست و تێکۆشەر و نیشتمانپەروەر ئەرکی دایکانەی خۆی بەجێهێنا. 
کومیتەی ناوەندیی کۆمەڵە، وێڕای دەربڕینی هاوخەمی و سەرەخۆشی لە هاوڕێیان "عه‌لی و سالار ئاشناگه‌ر" و هەروەها بنەماڵەی بەڕێزی ئاشناگەر و عابدی، هیواخوازە کە ئاواتە لە مێژینەکانی دایە هاجەر و هەموو دایکانی لەخۆبردووی کوردستان، لە کۆمەڵگایەکی ئازاد بێتە دی.

كۆمه‌ڵه‌ی شۆڕشگێڕی زه‌حمه‌تكێشانی كوردستانی ئێران 
سکرتارییەتی کومیتەی ناوەندیی
١٣ی ئۆكتۆبری ٢٠٢٠ی زایینی



ئه‌م بابه‌ته 147 جار خوێنراوه‌ته‌وه‌‌

AM:11:54:13/10/2020