بەشداری هەیئەتێکی کۆمەڵەی شۆڕشگێڕ لە پرسەی مامۆستا "حەمید دەروێش"

ئاسۆی ڕۆژهەڵات/ سەر لە بەیانی ڕۆژی دوو شەممە ٤ی نوامبری ٢٠١٩ هەیئەتێکی لە کۆمەڵەی شۆڕشگێڕی زەحمەتکێشانی کوردستانی ئێرانەوە، لە پرسەی تێکۆشەری دێرینی کورد و سەرۆک پارتی دیمۆکراتی پێشڤەڕۆی کورد لە سوریە لە شاری سلێمانی، بە سەرۆکایەتی هاوڕێ ساڵح شەریف ئەندامی دەفتەری سیاسی بەشدارییان کرد.

هاوڕێ ساڵح شەریفی لە سەرەتادا بە نوێنەرایەتی کۆمەڵەوە سەرەخۆشی و هاوخەمی بۆ لە دەست دانی تێکۆشەری ناسراوی کورد مامۆستا حەمید دەروێش و دۆستی دێرینی کۆمەڵەی بە بەرپرسان و نوێنەرانی پارتی پێشڤەڕۆ ڕاگەیاند و هیوایان خواست کە سوورتر لە جاران لە سەر ڕێبازی کاک حەمید دەروێش لە خەبات و تێکۆشانیان بەردەوام بن.

بەڕێز عەلی شەمدین ئەندامی سەرکردایەتی پارتی پێشڤەڕۆی کورد لە سوریە و نوێنەری ئەو حیزبە لە هەرێمی کوردستان سپاسی بەشداری هەیئەتی کۆمەڵەی لەو پرسە و سەرەخۆشی دەربڕی و وێڕای بەرز نرخاندنی پێوەندی گەرم و دۆستانەی هەر دوو حیزبی کۆمەڵەی شۆڕشگێڕ و پارتی پێشڤەڕۆی لە قۆناغە جیاجیاکان، کورتە باسێکی دەربارەی دۆخی کوردستانی سوریە و ڕۆڵی کەسایەتی مامۆستا حەمید دەروێش و داهاتووی حیزبەکەیان باس کرد.

هەیئەتی کۆمەڵە بریتی بوون لە؛ هاوڕێیان ساڵح شەریفی و عەبدوڵڵا ئازەربار (ئەندامی دەفتەری سیاسی)، ئیبراهیم محەمەدی (مینە شەم)، فەرزین کەرباسی، جەماڵ ئەحمەدی و ئەردەڵان فەرەجی (ئەندامی کومیتەی ناوەندی) کە بەڕێزەوە لە لایەن پارتی دێمۆکراتی پێشڤەڕۆی کورد لە سورییەوە بەڕێ کران.

 

 

 

ئه‌م بابه‌ته 1674 جار خوێنراوه‌ته‌وه‌‌