بەشداریی "کۆمەڵەی شۆڕشگێر" لە نۆزدەمین "کۆنگرەی نەتەوەیی کوردستان" (ک ن ک)

لە ڕۆژانی ١٨ تا ٢٠ی مانگی ئوکتوبر نۆزدهههمین كۆنگرهی نهتهوهیی كوردستان ک ن ک بهبهشداری نوێنهری حیزب و ڕێكخراوهسیاسی و كهسایهتییهسیاسییهكان شاری ئەیندۆفنی وڵاتی هۆڵەند بەڕێوە چوو.

بەهێز کردنی دیالۆگ، ئاشتی ناوخۆیی دروشمی سەرەکی کۆنگرە بوو کە لە بیستەمین ساڵی دامەزراندنیدا بۆ کۆنگرە دیاری کرابوو.

وتاری زۆرینەی بەشداربووانی کۆنگرەی نەتەویی کوردستان پێداگری لە سەر یەکدەنگی و ڕێکخستنی ماڵی کورد و هاوپشتی لە ڕۆژئاوای کوردستان بوو.

ڕۆژی یەکەمی کۆنگرە تەرخان کرابوو بۆ پەیامی حیزب و لایەنەکان و ڕوژی دووهەم و سێهەم کاری ناوخۆیی کۆنگرەکە بوو.

لە لایەن کۆمەڵەی شۆڕشگێرەوە هاوڕێیان "کەیوان فەرامەرزی" و "حەسیبە لوتفیزار" بەشداریی  کۆنگرە بوون و  کۆمەڵەش بۆ ئەو کۆنگرەیە پەیامێکی هەبوو ئەوەی لە خواردەوە دەیخوێننەوە دەقی پەیامەکەی کۆمەڵەیە کە لە لایەن هاوڕێ "کەیوان فەرامەرزی" کادری پێوەندییە نێونەتەوەییەکانی کۆمەڵەوە خوێندرایەوە؛ 

ئەم کاتەتان باش ماندوو نەبن

سەرەتا جێگای خۆیەتی پاش ڕێز و بەرز ڕاگرتنی یادی سەرجەم گیانبەختکردوانی ڕێگای ئازادی کوردستان بەتایبەت شەهیدانی ڕۆژئاوای نیشتمان هەروەها ڕێز لە سەرجەم خەباتی زیندانیانی سیاسی و بنەماڵەی سەربەرزی شەهیدان، دەستخۆشی بکەین لە هەموو ئەو کەسانە کە وا لە پێناو ودەیهانی ئامانجی بەرزی نەتەوەی کورد خەبات دەکەن.

بەڕێزان، میوانانی بەشدار بوو،

بۆ وەدەست هێنانی ئاواتی بەرزی نەتەوەکەمان و بەرەنگاری لە بەرامبەر دۆژمنانی کوردستان، پشت بەستن بە گەل و نیشتمان چەندە گرنگە، هاوکاریی و یەکدەنگی خەباتکارانی کورد بە دەیان جار گرنگترە.

هەموو ئەو لایەنانە کە وا لە پێناو وەدیهاتنی ئاواتەکانی نەتەوەکەمان لە مەیدانی خەباتدا تێدەکۆشن کە بەشێکمان لەم ژورەدا ئامادین، خاڵی هاوبشمان زاڵە بەسەر خاڵە ناکۆک و لاوازەکانماندا. گۆمانی تێدا نییە خاڵە هاوبەشەکان لە هەموو  ڕێکخراو و کۆر و کۆمەڵێکی کوردستاندا زۆرن بۆنموونە باوەڕ بە پلۆڕایسم، باوەڕ بە سکۆلاریزم، دێمۆکڕاسی و بەها دێموکڕاتیکەکانی سەرکەوتوی ئەمڕۆیی،  لە سەروی هەموانەوە  ئامانج، کە وەدیهاتنی مافە ڕەواکانی نەتەوەی کوردە، لەوانەیە لە پێناو وەدیهاتنی ڕزگاریی نەتەوەکەمان هەر تاک یا لایەنێک بە ڕێگایەک دا تێکۆشان و خەبات بکات، یەکمان سەوز بین ئەوەی دیکە شین یا ڕنگی دیکە، بەڵام لە یەک ناوەند و بنکەدا هەموومان یەک دەگرینەوە، کە هەمان مافی چارەی خۆنووسینە.

دۆخی ناوچەکە هەستیارە و کەس دۆستمان نییە. ئەگەری گۆڕانکاری ناوچەکە نیزیکە و کەس هاوکارمان نییە ئەگەریش دەسەڵاتدارێک بەڵێنی هاوکاری دابێ و بیدات بە دڵنیایەوە مێژووی دوور و نیزیک سەلماندویەتی کە لە پێناو بەرژەوەندی خۆی بوە (پەیمانی سووری دۆینێ و دۆخی کوردی ڕۆژئاوای ئەمڕۆ) بۆیە پشت بەستنی ستراتیژیکی کورد  بە یەکتری یانی دڵنیابوون لە بە هێزبوونمان بەرامبەر بە داگیرکەری نیشتمان، دڵنیاشین پشت بەستن بە داگیرکەری بەشێک لە کوردستان، ئەنجامەکەی دەبێتە بە فێڕۆدانی خوێنی جەماوەری گەلەکەمان و لاوز بوونی باوەر بەخۆبوونمان.

بەڕێزان 

لە دوای شەڕی یەکەمی جیهانییەوە بە تێپەربوونی زەمەن مەیدانی خەباتمان دابەش کراوە، ئێمە وەک کۆمەڵەی شۆڕشگێر لە دوای ڕۆخانی ڕژێمی پاشایەتی هاوکاریی خەباتی بزووتنەوەی بەشێکی دیکە لەو دیوی سنوری دەستکردی کوردستانمان کردوە، و لە پێناوی دا فیداکاریمان کردووە، سەرکردەمان گیانی بەخت کردوە، بەڵام  خۆمان دوور کردۆتەوە لە دەستێوەردانی بزوتنەوەی ئەم بەشە لە کوردستان. ئێستاش پێمان وایە  هاوکاری و هاریکاری یەکتر ئەرکی نیشتمانییە و بەدڵنیاییەوە بەهێزبوونمان لە بەرامبەر دوژمنی داگیرکەر زیاتر دەکات بۆیە پێمان وایە هەر وەک چۆن لە بەرامبەر داعش دا قۆڵمان هەڵماڵی، با لە ئەگەری هەر قەیرانێک و لە پێناو پتەوکردنی بزووتنەوەی نەتەوەکەمان شارستانیانە و مۆدێڕنانە پلانی هاوکاریمان بخەینە بەردەست و بە کەسانی ئاکادمیک و پسپۆری بسپێرین تا کردنەوەی دەرکەی کۆنگرەی نەتەوەیی سەراسەری کوردستان، تاکۆ لە ناوئاخندا لە پەنای کرماشانی پایتەخت و ئیلام و لورستانی ماد تێیدا ببوژێنەوە.

هەموومان دەزانین ئێران هەم ناوخۆیی هەم نێودەوڵەتی لە نالەبارترین دۆخی تەمەنی خۆی دایە، داڕمان و قەیرانی شکۆی ویلایەتی فەقیی لە تەک هەڵوەرینی دام و دەزگاکانی لە ناو خۆ و دەرەوە، پێمان دەڵێن کە، کۆماری ئیسلامی ئێران وەک هەر دیکتاتۆرێکی دیکەی دنیا، بەسەر  ئاخرین ساتەکانی تەمەنی خۆیدا تێدەپەڕێ،  نەمانی خەونی هیلالی شیعە یانی چەتری ئاسایش و ئازادی بۆ گەلانی ناو ئێران و ناوچەکە لە وانە نەتەوەی کورد لەم بەشەی کوردستانی داگیرکراو، بۆیە یەکریزی و پلانی هاوبەشی کورد بەتایبەت ڕاوێژ و هاوکاریی حیزبە کوردستانییەکان لەم بوارەدا لە گەڵ یەکتر، خۆ تەیارکردنە لە بەرامبەر ئەگەری هەر دەستێوەردان یا وەرسوڕانی دۆخەکە بە دژی کورد.

وڵامی هێڕش و لەشکرکێشی داگیرکەرانی کوردستان لە پێناو گۆرینی دێمۆگرافی کوردستان لە پێناو پاکتاوکردنی نەتەوەی کورد  تەنها ئەرکی یەک حیزب یا یەک پارچەی کوردستان نییە، بەڵکو ئەرکی هاوبەشی هەموو هێزو لایەنەکانی هەر چوار پاڕچەی کوردستانە کە ئەویش تەنها بە یەک هاوپەیمانیی سەراسەری پتەوی نەتەوەیی دەکردریت.

جارێکی دیکە ڕێزمان بۆ سەرجەم گیانبەختکردوانی ڕێگای ئازادی کوردستان و دەستخۆشی لە ئێوەی بەڕێز

کۆمەڵەی شۆڕشگێری زەحمەتکێشانی کوردستانی ئێران





ئه‌م بابه‌ته 339 جار خوێنراوه‌ته‌وه‌‌

AM:10:29:20/10/2019